Diwrnod 16

Nid yw’r Ysgrythurau’n dweud unrhyw beth wrthym am fanylion personol y doethion, ond wrth gwrs mae’u hanrhegion i’r Crist newydd anedig yn enwog. Mae’r Beibl yn gwybod yn iawn beth yw aur.  Dyma’r mwyaf gwerthfawr o fetelau, yn cael gwerth a pharch. Dyna addurn brenhiniaeth, eto ni chadwodd Iesu unrhyw arian, ac roedd yr apostolion yn ymfalchïo nad oedd ganddyn nhw unrhyw aur.

Erbyn y chweched ganrif, roedd y magi wedi cael enwau ac felly daeth Brenin yr Aur yn Melchior. Roedd ei rodd o aur yn cael ei gymryd fel symbol o’r frenhiniaeth yr oedd yn ei adnabod yn Iesu, gan bwysleisio eto’r cyswllt rhwng aur a natur y frenhiniaeth sydd yn y Beibl. Fel Melchior, mae Cristnogion yn cael eu galw i gydnabod Iesu fel Arglwydd eu bywydau, yn cynnig iddo ‘aur ufudd-dod’.