Mae Brenin Charles III yn ymweld â Llangernyw yn 2018.

Mae Esgobion yr Eglwys yng Nghymru yn croesawu Brenin Charles III ac yn gofyn am fendith Duw arno wrth iddo esgyn i’r orsedd.

Wrth i ni groesawu’r Brenin newydd i’w le fel Pennaeth y Wladwriaeth, gwyddom y bydd yr achlysur hwn yn gyfnod o dristwch personol mawr iddo ef ac i’r Teulu Brenhinol yn ogystal â’r genedl, a byddant yn ein gweddïau, Fodd bynnag, rydym yn hyderus y bydd esiampl Ei diweddar Fawrhydi yn ysbrydoliaeth ac yn ganllaw ar gyfer y dyfodol. Gwahoddwn fendith Duw ar ein Brenin newydd, gan ddiolch am deyrnasiad Y Frenhines, gan ofyn i Dduw gynnal ein brenin newydd yn yr un ysbryd o ddoethineb, gwasanaeth a ffydd am y blynyddoedd i ddod.

Ychwanegodd Archesgob Cymru, “Fel Tywysog Cymru, bu’r Brenin bob amser yn gyfaill da i’n Cenedl ac i’r Eglwys yng Nghymru. Byddaf i a fy nghyd esgobion yn ei gadw ef a’r holl Deulu Brenhinol yn ein gweddïau.”

Y Parchedicaf Andrew John, Archesgob Cymru ac Esgob Bangor

Y Gwir Barchedig Gregory Cameron, Esgob Llanelwy

Y Gwir Barchedig Joanna Penberthy, Esgob Tyddewi

Y Gwir Barchedig June Osborne, Esgob Llandaf

Y Gwir Barchedig Cherry Vann, Esgob Mynwy

Y Gwir Barchedig John Lomas, Esgob Abertawe ac Aberhonddu

Y Gwir Barchedig Mary Stallard, Esgob Cynorthwyol Bangor